Síguenos en...

Arela en Twitter Arela en Facebook Arela en Youtube

Maio 2018
D L M X J V S
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Noticias

Xa está aberta a inscrición na xornada "2018: enreda na rede"

A Asociación ARELA e a Fundación Barrié organizan una xornada formativa o 3 de Maio na sede da Fundación Barrié de A Coruña.

Dentro das actividades do KTORCE-18 deste ano, contémplase a organización dunha xornada orientada a profesionais da educación e da intervención social, baixo o lema "2018: Enreda na Rede" centrado no bo uso das redes sociais entre a poboación adolescente, polo que tanto ARELA como a Fundación Barrié queren propiciar un espazo de formación, reflexión e intervención sobre este tema.

Podedes consultar o programa e descargar a ficha de inscrición a través dos seguintes enlaces.

 

PROGRAMA

FICHA DE INSCRIPCIÓN


 

 

A Asociación ARELA e a Fundación Barrié traballarán este ano baixo o lema "2018: enreda na rede"

Este ano 2018, a Asociación ARELA e a Fundación Barrié, presentan dentro do seu Programa Ktorce-18 tres actividades de prevención, sobre o bo uso das redes sociais entre adolescentes:

- unha dirixida ó alumnado dos centros educativos (Concurso de Deseño),

- outra dirixida á comunidade educativa (Xornada de formación) o día 3 de maio,

- e unha charla/obradoiro para alumnado da ESO, Bacharelato, FPB e Ciclos Medios, o día 3 de maio, baixo o lema “2018: Enreda na Rede" a cargo de Marc Masip Montaner (Director do programa Desconect@).

Coas tres actividades preténdese unha reflexión por parte de todos (alumnado, mestres, profesionais da intervención social, …) que favoreza a intervención real dende os centros educativos.

"Concurso de Deseño "2018. Enreda na rede"

O "Concurso de Deseño "2018. Enreda na rede": está baseado na creación dun slogan e mais unha representación gráfica sobre o bo uso das redes sociais, o tema obxecto do traballo do Programa Ktorce-18 durante todo o ano 2018. Está dirixido ao alumnado da ESO, Bacherelato, FPB e Ciclos medios.

Achéganse as Bases, así como a Ficha de Inscripción e a Autorización

A Asociación ARELA e a Fundación Barrié pretenden poñer o seu grao de arena co obxectivo de traballar xuntos sobre a bo uso das redes sociais de forma innovadora.

 

Concesión de subvención para a contratación de traballadores desempregados (Programa Operativo de Emprego Xuvenil)

A Xunta de Galicia ven de conceder a ARELA esta subvención que permitiu  a contratación de dun educador e unha educadora social para a posta en marcha do servizo “Mellora da atención individualizada ós nenos, nenas e adolescentes residentes nas Casas de Familia ARELA”. Esta axuda está cofinanciada polo Fondo Social Europeo e a Iniciativa de Emprego Xuvenil.

Dende o 13 de Decembro temos 2 novos compañeiros desenvolvendo este servizo nas dúas Casas de Familia que temos en Vigo. Este reforzamento dos Equipos Educativos pretende acadar un aumento da atención individualizada os nenos, nenas e adolescentes residentes nestas Casas de Familia enfocado principalmente nos seguintes aspectos: ocio individualizado, apoio escolar, atención exclusiva e resposta ás necesidades específicas.
Esta subvención abrangue 7 meses de intervención educativa, durante os cales ARELA tratará de acadar recursos que permitan a continuidade no tempo do servizo. As subvencións para a contratación de traballadores desempregados polas entidades sen ánimo de lucro (Programa Operativo de Emprego Xuvenil) son concedidas pola Consellería de Economía, Emprego e Industria da Xunta de Galicia e están financiadas nun 91,89% polo Fondo Social Europeo e a Iniciativa de Emprego Xuvenil, a través do Programa Operativo de Emprego Xuvenil.

 

   

GRAZAS Á XUNTA DE GALICIA E AO PROGRAMA OPERATIVO FEDER ESTAMOS MELLORANDO OS NOSOS CENTROS

A través das "Axudas para o investimento na mellora das infraestruturas e do equipamento dos centros de protección de menores dependentes de entidades de iniciativa social" da Xunta de Galicia, operación cofinanciada pola Unión Europea Programa Operativo FEDER Galicia 2014-2020, estamos mellorando as nosas Casas de Familia e Centros de Atención de Día Integral.

Grazas a estas axudas puidemos acometer melloras en todos os nosos centros do ámbito de protección que reverterán na confortabilidade e comodidade dos nenos, nenas e adolescentes que neles residen ou asisten.

 

En concreto:

- Temos un novo vehículo na Casa de Familia de Allariz.

- Cambiamos as fiestras, mellorando notablemente o illamento, nas Casas de Familia Atlántida de Vigo e O Barco de Valdeorras, e no Centro de Atención de Día de O Barco.

- Instalamos parqué nos dous centros de O Barco de Valdeorras.

- Hai novos dormitorios para os nenos, nenas e adolescentes das Casas de Familia Bembrive de Vigo, Monforte e Santiago.

- Melloramos cociñas e comedores, instalando electrodomésticos eficientes, nas Casas de Familia de Monforte e Santiago, e no Centro de Atención de Día de Santiago. Ademais a Casa de Familia Bembrive de Vigo xa ten lavavaixelas.

- Tamén hai novo equipamento informático e/ou audiovisual nas Casa de Familia de Bembrive, na de Santiago e no Centro de Atención de Día de Santiago.

- Os nenos, nenas e adolescentes do Centro de Atención de Día de Santiago puideron facer o seu propio deseño da sala de xogos e levouse á realidade. E, ademais, mellorouse a luminosidade grazas a instalación de lámpadas led eficientes.

 

 

 

 

A XUNTA CONMEMORA COA ASOCIACIÓN ARELA E AS FUNDACIÓNS MENIÑOS E JUAN SOÑADOR O DÍA INTERNACIONAL DOS DEREITOS DA INFANCIA

  • Ao redor de 350 escolares de infantil e primaria do colexio O Pombal de Vigo participan esta semana nun programa de actividades dirixido a achegar aos nenos e nenas a Convención dos Dereitos do menor aprobada polas Nacións Unidas en 1989

A Consellería de Política Social conmemorará coa Asociación Arela e as fundacións Meniños e Juan Soñador o Día Internacional dos Dereitos dos Nenos e Nenas o vindeiro luns 20 de novembro baixo a lenda ‘Imaxinas tódolos dereitos cumpridos?’. O acto central terá lugar no CEIP O Pombal de Vigo, e consistirá nunha concentración dos escolares do centro e a lectura dun manifesto.

Previamente a este acto central, durante esta semana estanse a desenvolver unha serie de actividades de sensibilización no que  o protagonismo é do o alumnado de Infantil e Primaria do centro de ensino vigués do Pombal, polo que con esta programación se chega a aproximadamente 350 estudantes. As actividades varían en función do ciclo ás que se dirixen e basicamente consisten en que os escolares teñan unha primeira aproximación á Convención dos Dereitos dos Nenos e Nenas mediante a proxección de vídeos, a decoración de caretas poñendo na fronte da mesma o nome dun dereito ou escollendo un dereito da infancia e escribir sobre o que consideran que debería acontecer para que se cumprise. Outra das accións consiste en dirixirse por carta aos Reis Magos para expoñer que dereito lles gustaría que se cumprise para todos os nenos e nenas, solicitando ás súas maxestades de Oriente colaboración para conseguilo.

A idea central desta campaña é achegar ao alumnado de Infantil e Primaria, en coordinación cos titores e titoras e o equipo de orientación e directivo do centro escolar, a Convención dos Dereitos da Infancia e que visualicen como sería a realidade dos nenos e nenas en todo o mundo se os dereitos se visen cumpridos.

Así mesmo, a campaña tamén terá difusión a través das redes sociais, coa finalidade de sensibilizar á sociedade en xeral e xerar conciencia sobre a prioridade de velar polo interese superior dos menores en tódalas actuacións que se leven a cabo.

SAÚDOS,

 

   

Páxina 1 de 25

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?

Desarrollado por Hacce . paginas web vigo, paginas web galicia, Coruña, Santiago